Aprè yon Epizyotomi

Evite enfeksyon.

Kenbe kouti yo pwòp pou w ka diminye risk pou w gen enfeksyon.

• Lè w sot twalèt netwaye l dousman soti devan pou ale dèyè.

• Lè w fin siye, flite dlo tyèd sou kouti yo. Seche l.

• Lè w fin pipi, se pa yon pwoblèm si w pa siye w. Jis flite dlo tyèd epi tapote l a sèk.

• Pa itilize savon oubyen lòt bagay sof dlo amwens founisè swen sante w la ta konseye w youn.

• Chanje kotèks omwen chak 2 a 4 èdtan.

Evite konstipasyon

Suiv sijesyon sa yo:

• Manje fwi ak legim, sereyal konplè, ak sereyal son.

• Bwè 6 a 8 vè dlo chak jou, sof si yo ta di w fè yon lòt bagay.

• Pa fòse ale nan twalèt.

• Mande founisè swen sante w la si w ka itilize yon bagay ki pou fè w twalèt mou.

• Si w ap bay tete, anvan w pran medikaman mande founisè swen sante w la.

Kalme doulè a

Eseye mete w plis alèz konsa:

• Chita nan yon beny cho

• Mete yon konprès frèt oubyen yon konprès cho sou kouti yo. Kite yon ti twal fen ant konprès ak la po w.

• Chita sou yon syèj ki fèm konsa kouti yo ap redi w mwens.

• Itilize espre medikal jan founisè swen sante w la mande w fè sa.

• Pale ak founisè w la de kijan pou w itilize yon medikaman anti enflamatwa tankou ibipwofèn pou soulaje doulè a.

Suivi a

Kontinye al nan randevou suivi a. 

Lè pou w rele founisè swen sante w la

Rele moun k ap ba w swen an menm moman an si w gen youn nan pwoblèm sa yo:

• Kayo san ki gwosè yon pyès monnen oubyen pi gwo ap pase nan vajen w san rete

• Anpil san sòti nan vajen w

• Ekoulman ki gen vye sant ap sòti nan vajen w

• Gwo doulè nan lestomak ou oubyen doulè tou pre kouti yo ogmante

• Yon fyèv 100.4°F (38°C) oswa pi wo, oswa nan nivo founisè swen sante w la di w la

• Ou gen frison epi w ap tranble

• Ou pa twalèt pandan 1 semèn aprè ou fin fè bebe w la

• Ou gen difikilte pou w pipi, oubyen ou gen doulè oubyen ijans pou w pipi

• Fil kouti yo k ap soti oubyen moso k ap pase nan vajen w